Author Topic: 《《〰️ एक तुम और एक मैं 〰️》》  (Read 8086 times)

Offline Shubham Kumar

  • 1 stars
  • *
  • Posts: 36
  • Reputation: +0/-2
    • View Profile
Re: 《《〰️ एक तुम और एक मैं 〰️》》
« Reply #40 on: December 08, 2018, 10:03:02 pm »

"Ye baat to bahut pahle bhi maine socha tha narayan..!" Aditya ne kaha..."Aur sarla se kaha bhi tha ki main tumhe apni patni ka darja dena chaahta hu taaki tumhara beta jayaj kahlaaye aur samaaj ke bich ijjat se rahe...lekin sarla hi nahi maani thi...uska kahna tha ki mera apna pariwaar ye sab swikaar nahi karega..! Maine use kaha tha ki main sabko mana loonga aur sabki khushi tatha razamandi se hi tumhe apni biwi ka darja doonga. Lekin wo fir bhi nahi maani...uska kahna tha ki ab use kisi chiz ki abhilasha nahi hai. Wah apne bete ke sath akele hi rahegi."


"Fir bhi aditya..!" Narayan bola..."Tumne jo kiya wo achha nahi kiya. Jis auart ne itna bada tyaag kiya aur jo sirf apne bete ko hi apni duniya maan kar jee rahi hai uske sath tumne achha nahi kiya. Tumhare paas to ek bhara pura pariwar hai lekin uske paas uske apne bete ke siva dusra koi nahi. Wo kis tarah apna jeewan jiti hogi iska tumne kabhi khayaal hi nahi kiya...main maanta hu ki tumne saalo pahle uski aarthik jarurato ko pura kar diya tha lekin ye aarthik jarurate kya kaafi thi use khush karne ke liye..? Nahi aditya...har insaan ki kai sari jarurate hoti hain...hasrate hoti hain jinhe wo poori karna chahta hai."


"Mujhe in sab baato ka ehsaas hai narayan..!" Aditya ne kaha..."Par isme main bhala kya kar sakta tha...main to use sab kuch dena hi chaahta tha..usne hi swikaar nahi kiya to main kya kar sakta tha..?"


"Usne ye sab swikaar na karke tumhare pariwaar ko bikharne se bachaya tha Aditya..!" Narayan ne kaha..."Koi bhi patni dil se ye nahi chaahti ki tum kisi aur ko sirf is liye apni biwi bana kar ghar le aao ki wo tumhare bete ki maa hai...aur usne tumhe ek beta diya hai jo tumhari apni biwi nahi de saki. Ye vichaar hi aisa hai jo andar hi andar tumhari apni biwi ko kachotta rahta. Wo kabhi khush nahi rahti."


"Main sab samajhta hu narayan...!" Aditya ne kaha..."Aur sach poocho to isi liye maine tumhe yaha bulaya tha taaki ye sab tumhe bata kar apni uljhan door kar saku...apna man halka kar saku.."


"Dekho Aditya..!" Narayan ne eka ek gambhirta se kaha.."Tumne ye jo kiya hai ye galat hai...main tumhe ye sab karne ki ijazat nahi de sakta...ek dost hone naate main yahi kahuga ki apne swaarth ke chalte tumhe kisi aurat ke jeene ka sahara is prakaar nahi chhinna chahiye...Raha sawaal tumhari apni abhilashaao ka to ye to tum bata kar bhi kar sakte ho...Tum sarla se baat kar sakte ho...use bata sakte ho ki tum kya chaahte ho..? Agar wo chaahe to tumhari chahat puri kar sakti hai...iske liye wo jo kuch maange tum use de sakte ho...lekin Aditya aisa mat karo yaar jo tum abhi kar rahe ho plz."


"Sarla kabhi is baat par sahmat nahi hogi narayan ki main usse uska beta le lu..!" Aditya hataas bhaav se bola..."Main use achhi tarah janta hu...wo bahut hi bhaavuk hai narayan...apne bete ko wah dil o jaan se pyaar karti hai...maine dekha tha use..bete ki judaai me kaise bilakh bilakh kar roye jaa rahi thi wah..!"


"Fir to main yahi kahuga Aditya ki tum ye sab khayaal chhod do..!" Narayan ne kaha..."Jab itne saalo tak tum use aur uske bete ko bhoole rahe to ab bhi bhoole hi bane raho...tumne use ek bete ke sath ek naya jeewan diya hai to ab us jeewan ko apni is chaahat ke chalte barbaad na karo..!"


"Koi bhi baat kah dena kitna asaan hota hai na narayan...?" Aditya ki awaaz bhari ho gayi..."Lekin kisi baat par amal karne me kabhi kabhi kitni takleef hoti hai is baat ka andaza kisi ko kaise hoga..?"


"Mujhe har baat ka andaza hai mere yaar..!" Narayan ne kaha..."Lekin tum to jante hi ho ki kabhi kabhi insaan ko sabki khushi ke liye apni khushiyo ka tyaag karna hi padta hai...ek achhe insaan ki yahi pahchaan hoti hai..!"


Narayan ki baat sun kar aditya kuch kah na saka..bas dekhta raha uske chehre ki taraf...jab ki narayan ne fir kaha..."Main samajh sakta hu tumhari haalat ko aditya...mujhe ehsaas hai ki tumhare andar is wakt kya guzar rahi hai..lekin apne is dukh ko door karne ke liye tumhe aisa kadam nahi uthana hai......fir bhi ek baar sarla se baat kar lo tum agar wo maan jaye to achhi baat hai warna uska beta sahi salamat use saump dena.


Narayan ki baat sun kar Aditya jane kin socho me gum ho gaya tha...Aur agle hi pal uski aankho se aanshu chhalak kar gir pade. Ye dekh kar narayan jaldi se apni jagah se utha aur Aditya ko apne gale se laga liya.  Uski apni aankho me bhi aanshu aa gaye the..


Update hazir hai dosto....🤗🤗🤗🤗

YUM Stories

Re: 《《〰️ एक तुम और एक मैं 〰️》》
« Reply #40 on: December 08, 2018, 10:03:02 pm »

Offline bandboys

  • 1 stars
  • *
  • Posts: 10
  • Reputation: +1/-0
    • View Profile
Re: 《《〰️ एक तुम और एक मैं 〰️》》
« Reply #41 on: December 08, 2018, 10:41:56 pm »
away some keep it up bro...

YUM Stories

Re: 《《〰️ एक तुम और एक मैं 〰️》》
« Reply #41 on: December 08, 2018, 10:41:56 pm »

Offline rabiarabia338

  • T. Members
  • 5 Stars
  • *****
  • Posts: 5806
  • Reputation: +32/-7
  • Gender: Female
    • View Profile
Re: 《《〰️ एक तुम और एक मैं 〰️》》
« Reply #42 on: February 15, 2019, 06:31:26 pm »
good
O Mery Nal Janb No Payer V Koi Nahi Avey Farzi Lad Karena A
Hanjo Kad Kay Katal Akhein Chu Kiday Yar Farad Karena A ..

 

Adblock Detected!

Our website is made possible by displaying online advertisements to our visitors.
Please consider supporting us by disabling your ad blocker on our website.